Lanaren bitartez ikastea
Ikas-ekinezko Erregimeneko Heziketa Dualak erraztasunak ematen ditu konpetentziak lan-egoera errealetan eskuratzeko.
Zikloko bigarren mailan, ikasleek LHko ikastetxean jasotzen duten prestakuntza eta enpresako egonaldiak konbinatzen dituzte. Enpresan, lan eginez ikasten dute, ikastetxeak eta enpresak diseinatutako prestakuntza-planari esker.
Ikasleak ordainsari ekonomikoa jasotzen du enpresan egiten duen egonaldiaren truke. Horretarako, ikaskuntzarako prestakuntzako kontratu bat sinatzen da edo beka bat ematen zaio. Edonola ere, ikasleek kasu bietan jasotzen dute lan egindako orduekiko ordainsari proportzionala.
Dualaren bidez, enpresek beren produkzio-emaitzak hobetzen dituzte. Halaber, gure ikasleei trebatzen eta lan-merkatuan sartzen laguntzen diete eta kalitatezko enpleguak sustatzen dituzte.
Ikasleentzako onurak
- Aldi berean eskuratzen ditu prestakuntza eta esperientzia profesionala lan-egoera errealetan
- Lan-bizitzari hasiera ematen dio enpresan duen lanaldiarekiko proportzionala den ordainsariaren bitartez.
- Laneratze-tasa handia du (LH modalitate horretan egin duten ikasle titulatuen % 70 kontratatzen dituzte).