2022ko otsailaren 11n Obra zibila eta eraikuntza zikloko 1. mailako ikasleak Zorrozaurreko obretara bertaratu ginen, Typsa enpresako Amaia Acevesen azalpenei esker eraikuntza-prozesua hasiera-hasieratik ezagutzeko aukera izanik. Sakonean jakin genuen proiektuaren eta inguruko hainbat gorabeheraren berri, Zorrotzaurre irlako UE 1aren D faseko urbanizazio-lanak bisitatu baikenituen. Hiria berroneratzeko operazio erraldoi baten parte dira lan horiek, Bilbori ekonomia eta gizarte arloan hainbat aukera eskainiko dizkion gunea atonduko dira eta.
Hiritartze-lanetarako, lurzorua hobetzeko eta moila sendotzeko jardueetan drainatze-metxak, piloteak, CMC piloteak, betelanak, hormigoizko krontrahormak eta beste hainbat teknika ikusi genituen. Instalazioen kanalizaziorako lanek era guztietako zerbitzuez hornituko dute irla. Ur azpiko sendotze-lanetan -25 m-ko sakoneraraino hondoratu behar dute. Lan faraonikoak Zaha Hadid arkitekto handiak diseinatutako eraikuntza-multzoa Aurrera eraman ahal izateko.
Egun polita eta probetxugarria izan genuen. Ikasleek hementxe berton daukagun benetako erronka erraldoi hori hurbiletik ezagutu zuten, ezagutzak eta motibazioa suspertzeko lagungarri.
